قصيدة نسيتك مكتوبة للحاج باسم الكربلائي 2017

قصيدة نسيتك

نسيتك ثواني ... خيالك إجاني
نسيتك ثواني ... خيالك إجاني

إخذني لشاطي حبك ... أريد أعطش وأكتبك 
إخذني لشاطي حبك ... أريد أعطش وأكتبك

 خيالك إجاني

***

ذكرتك من نسيت وبين خيالك
أثاري انت العزيز الخالني إبالك
حاولت استقر واسأل على احوالك
لكيت النهر قطرة بعين شلالك

جمالك قصيدة ... مينحز وريدة

نهر آني اعلى دربك ... أريد أعطش واكتبك

خيالك إجاني

نسيتك ثواني ... خيالك إجاني
نسيتك ثواني ... خيالك إجاني
إخذني لشاطي حبك ... أريد أعطش وأكتبك
إخذني لشاطي حبك ... أريد أعطش وأكتبك

خيالك إجاني

***

أريد ارسم عينك حتى احاجيهه
شرط دم وترراب وعطش مابيهه
على صدرك علامة وصافن اعليهه
أخاف اكتبهه والعباس يمحيهه

علامة تركتها ... كأن ما شفتها

أثر رفسه أعلى كلبك ... أريد أعطش واكتبك
أثر رفسه أعلى كلبك ... أريد أعطش واكتبك

خيالك إجاني

نسيتك ثواني ... خيالك إجاني
نسيتك ثواني ... خيالك إجاني

إخذني لشاطي حبك ... أريد أعطش وأكتبك
إخذني لشاطي حبك ... أريد أعطش وأكتبك

خيالك إجاني

***

إجيتك والغزل بأشواكي يتعثر
لكيت الشاطي احمر والنهر احمر
اشوفك تبتسم واني ارتبك اكثر
لأن صدري صحيح وصدرك مكسر

منعني حيائي ... أجيك بردائي

يضل عاري اليسلبك ... أريد أعطش واكتبك

خيالك إجاني

نسيتك ثواني ... خيالك إجاني
نسيتك ثواني ... خيالك إجاني

إخذني لشاطي حبك ... أريد أعطش وأكتبك
إخذني لشاطي حبك ... أريد أعطش وأكتبك

خيالك إجاني

***

مليته اتراب خدي من شفت خدك
نعم كلك عطش بس ما ذبل وردك
خفت مرتين يغتال النهر جبدك
جبت ماي الشريعة وخيمت عندك

أحبك لأنك ... نبض كلبي منك

حلم شاعر وأطلبك ... أريد اعطش واكتبك

خيالك إجاني

نسيتك ثواني ... خيالك إجاني
نسيتك ثواني ... خيالك إجاني

إخذني لشاطي حبك ... أريد أعطش وأكتبك
إخذني لشاطي حبك ... أريد أعطش وأكتبك

خيالك إجاني

***

تخطيت المسافة البينك وبيني
وصلت لباب جرحك وانطفت عيني
ضعت واتوسلت مولاي خليني
أشاهد خنصرك وانطيك جفيني

كتبت الرواية ... واريد النهاية

إذاً خليني كربك ... أريد اعطش واكتبك

خيالك إجاني

نسيتك ثواني ... خيالك إجاني
نسيتك ثواني ... خيالك إجاني

إخذني لشاطي حبك ... أريد أعطش وأكتبك
إخذني لشاطي حبك ... أريد أعطش وأكتبك

خيالك إجاني

***

إذا ما ينذبح ابني على صدري
صعب ترسم احساسك قافية شعري
واذا ماينكسر عالمشرعة ظهري
أسولف عالأخوة وآني ما أدري

متى ما خيامي ... يسعرن أمامي
أحس شنهو اليعذبك ... أريد أعطش واكتبك

خيالك إجاني

نسيتك ثواني ... خيالك إجاني
نسيتك ثواني ... خيالك إجاني

إخذني لشاطي حبك ... أريد أعطش وأكتبك
إخذني لشاطي حبك ... أريد أعطش وأكتبك

خيالك إجاني

******

للشاعر عبدالخالق المحنة
نسألكم الدعاء

قصيدة اصيح انتباه للحاج باسم الكربلائي

قصيدة

اصيح انتباه للحاج باسم الكربلائي

صوت يشبه صوت زينب تندب الي الصحاني

اصيح انتباه يجوز اشتباه سواد الشفتها تنادي حسين

تصيح بظلام يا عالم حرام عشت عمري مره ومتت مرتين

سألت العيون ترى من تكون رحت امشي ليها يتامه وراي

مشيها جريح حبيبي تصيح تون من ضلعها صحت امي هاي

اسلم عليها اريد احسها بحذر تغفي ايد

اراقب صرت من بعيد شفت جفه بيه دم وريد

شبكت الجروح وانا بلايه روح غفيت بحظنها ادور امان

حرارة لقاء نصبنا العزاء جبيرة المصيبه وصغير المكان

شفتها وبجيت حنت وانحنيت صحت يمه يمه تأخر ليش

يايمه الرجال غفت على الرمال ترى بعد اخوتي ولا يحلا ليش

تكلي عجيب رزاج المشيء هضمتيني يمه يا خوفي عليج

اخير المقال بيديج الحبال يرجفن يا زينب سلامة ايديج

يا مكفوله صرت الكفيل عليله وتواسي عليل

نهر من جفونج يسيل يا زينب دربكم طويل

حرس على العيال يرابج خيال عجيبه اليساره حرسهن اسير

غطاج الرمال يا ام الدلال رماني المخيم فرشتي حسير

مواقف صعاب عشتها بعذاب اسولف بعضهن قبل لا اموت

زغيره بنات طفل يمها مات تكله اليتامه تموت بسكوت

طفل يمي جاي سأل ماكو ماي سكيته بدموعي وشعرت بضماي

اسيره تغيب تعود بنحيب تكلي يا زينب جنت يم ضناي

رحت للكفيل على نار دخان المخيم ستار

اقبل يمينه اعتذار لطمة على يساري بيسار

بعد ما اشوف شفت بس جفوف صحت يا ابن ابويه وضعنا خطير

قريب الصباح واحس كلبي طاح غدا الله يعلم يا اخوية شيصير

قصيدة اسألك يا نهر للحاج باسم الكربلائي

قصيدة اسألك يا نهر للحاج باسم الكربلائي

اسألك يا نهر وينه عليمن روج لبعينه بجيته

اذكرك بالاخذ روحك اريدك تقره بجروحك وصيته

شكتبلك على الجروف يا ابو مقطع الجفوف وصيته

الي صار من لكيت على متنك كمر واكف

صدك يا ماي احلفك كول من نوره كبل شايف

اجه بالك ترحب بيه لو منه جنت خايف

ترى معذور اذا حسيت ريجك يا نهر ناشف

اعذرك موقفك حيره على جرفك صاحب الغيره تعنه

اشوفك حيرتك رايك عنك يبتعد مايك تمنه

يالبعينك تشوف كبل قطع الجفوف وصيته

حقكك ما تعرف شجان عنك يا حزن يغفي

بافكاره سبيه تصيح شوف صياط الي بجتفي

كم زعله لكن راد عنك يا نهر يعفي

لو ضامي منارة ماي لا تظن تكدر توفي

ارسمه واوصف بزوده وكفته من حظن جوده يمينه

صموده ثورة جروحه غيور بمزيته بروحه حنينه

حجالك على الطفوف كبل قطع الجفوف وصيته

اسالك من حجيت وياه سوالف بينك وبينه

هم يدري جفوف تطيح ويصيب السهم عينه

افهم من كلامك جاي يندل القدر وينه

بس عنده المهم يروح روجه يودي السكينه

اخذها وضمها بانفاسه امانه جربة احساسه حملها

حماها بجرحه واهاتة اخذها للي خطواته املها

خفه هم السيوف كبل قطع الجفوف وصيته

اذا شفته ابتسم يا ماي من كتله ترد سالم

لا تظن باله جان وياك جان بحنة القاسم

اكو بكلبه اخو متانيه جان بشوفته صايم

بروحه جرح بيه جان عبدالله الطفل نايم

مخيم شايل باله يحن وشوفة عياله بعيده

يعرفه الحاول يرسمه هذا الكل بحرف اسمه قصيده

كمر مابيه خسوف كبل قطع الجفوف وصيته

من شفته التقو ويا الجيش جنت تعاين المنظر

مستغرب عدل ضليت ما حاولت تغرب

اقل شي تكدر تسوي حتى تبلل العسكر

حتى نكول من نقراك دافع عنه باليكدر

يمكن حاولت تفزع وهو ما قبل تطلع تقاتل

مشيت بكلمة القائد غيره ما قبل واحد ينازل

برز ضد الإلوف كبل قطع الجفوف وصيته

سهولة وادعة وياه لو فاركته بالكوه

عليك بداعة العباس فقد الكافل شسوه

حسيت بعطش من راح صدرك من مشت جوه

ما ندري النهر يا ماي ساعتها انت لو هو

وحشتك يا نهر بعده حياتك صارت بفقده غريبه

يحدلك تحجي على الكافل اعذرك بعد ابو فاضل مصيبه

رحت يمه تطوف كبل قطع الجفوف وصيته

قصيدة بلد للحاج باسم الكربلائي

قصيدة بلد للحاج باسم الكربلائي

بلد صار بقيع وكربلا

سكن بيه عظيم المنزله

على كبة ضريحه رايه رفت جريحه

اشد ليل بالظنون والعنده حسبه يسولف بكلبه

كلت ليش على الكون الله يخلي بكل ارض كبه

شلت عين والنجوم تدلي شفت بتايه بدربه

لاجل هاي من اراد الله جعلها واجهة حبه

النجوم دليل القافله منارات عيون من السما

على ارض الفسيحه     راية رفت جريحه

للتراب احاسيس بيها يحس البي طبع شجرة

والكبور حكايات منقوشة قصتها بحجر يقرى

المازارات بخت كاع وشكد بخيته التنزرع حضره

بلد نال كرامات سبع الدجيل وسمعته وكبره

رجل عاش عزيز بهيبته شمس مات شعاع بكبته

على شمس الصبيحه     راية رفت جريحه

يكتبون يحيرون ابن الامام الهادي شتوصفه

جبل ذور بالاخلاق واخو الامام العسكري اعرفه

الفجر مات اجه الليل لمن تلكه بالمرض حتفه

صبح باب كرامات والي يكصده ينترس جفه

ملايين تادي زيارته والمراد هدايه بعتبته

على بابه المريحه    رايه رفت جريحه

الاشجار والانهار من سيد محمد خذت لمسه

والكلوب والارواح كلمة شموع تنحجي بهمسه

يكولون ياخذ كلبنه السيد بحسه

سبع جان بالدجيل من حقه ذن من حاسده يحرسه

يحسون بعبيره وتربته ويعشقون طريق زيارته

من تكصده استميحه     راية رفت جريحه

لليكصدون يشوفون رايه جريحه وتحجي وحدها

والعيون سماوات والكبه دمعه ونزلت بخدها

يسمعون خجل صوت من البقيع استحى وغرقتها

الشلون كبر صار وام الزجيه كبر ما عدها

بخجل صاح يايمه من رحه منارات يدنكن مستحه

دمعه نزلت صريحة     رايه رفت جريحه

من الكال مسافات من سيد محمد لابو اليمه

يقيسون بالامتار وانا اقيس بمستوى النسمه

مساحات وهم عين بين الدجيل وكربلا شمه

دلالات على ذكراه نفس الزياره وموكب الخدمه

مسيرات تطوف بحضرته يهتفون لصاحب رايته

ناصر الله وذبيحه     رايه رفت جريحه

قصيدة براءة دمعتي للحاج باسم الكربلائي

قصيدة براءة دمعتي للحاج باسم الكربلائي

براءة دمعتي تشكي يا غايب جمرة الامي

تغير وعالم احساسي يصورلي طفل ضامي

اغمض عيوني واتامل ابو يبجي ودمع دامي

رافع ايدي ودمعة بخدي     يارب سهل امر المهدي

حملت بكلبي جرح الطف حملت من الزغر همي

واحس عبدالله من ابجي يراقبني ويجي يمي

رباب وكل مصايبها واشاهدها بدموع امي

اهلي من زغري علموني     عبدالله اشرب ماي عيوني

يا مهدي روحي من زغري تحن ليك على فطرتها

يتيمه لو شفت اذكر رقية ودمع غربتها

عزيزه ومدلله وراحت اسيره وتجري دمعتها

ماتت من فراك الوالي     والغالي يموت على الغالي

طفل واتصور الكوفه واشوف بشبر ذكرى

حميده وصلت وحنت لابوها وشاهدت الكطره

تصد مره على الحادي تصد على الكبر مره

يابويه الحاكم ياذيني     ليش انت وياهم مخليني

قصيدة جداه للحاج باسم الكربلائي

قصيدة جداه للحاج باسم الكربلائي

جداه ها انا سميك والوغى

احيي بها ذكراك في صولاتي

وحسينك ضامٍ بوادي كربلاء

ساذود عنه وافتدي بحياتي

جداه ناديت وانا الاكبر والصبح اذا اسفر

جداه فسيف ابنك ان زنجر فسيخطب على العسكر

والطف له منبر جداه يا حسين

عيدي ميدان الحرب اذا ما عجاه

صيدي ابطال في ساحات الهيجاه

سيفي سيصد العالم فجاه فجاه

طعان في الحومة مثلي لا يرجى

وعلى سهام الفرسان ساطوي السرجا

لن ليقو الا الموت لدي ان ننجا

ذكراك احييها يمناك وبديها وعداك

وافنيها اني الاكبر

جداه من لا يعرف حيدر

جداه سيرى شبل القصور

جداه في الحرب اذا يزهر

يرمي اهل المنكر بفمي موت الاحمر

لما ابرز لن اطبق ها ادفاني

عيني بين الحرب وخدر الاعداني

وعيون امامي عن بعد ترعاني

ويواسي صبرا قلب الام الحاني

وانا موت على عباد الاوثاني

لو يروى سيفي ضام صاح سناني

يدورون ذا سيف مقرون بالحف مسنون

للطف اني الاكبر

جداه ساعيد بهم خيبر

جداه سيرون بيه المحشر

جداه وتراني اتبخر

وادوس رقاب الشر وسيروق لك المنظر

ساعود الى خيمة امي بالبشى

وارى في عينيها قلبا قد سرا

وتراني قد خلفت على الرمضى بكرا

ولكن كيف ساشكو للسبط الحرا

او اطلب ماء وهو بماء احرى

ساعود وادعو نفسي صبرا صبرا

ساعود لفدائي فاجود لدمائي موعود

بالمائي اني الاكبر

جداه ضمأي وشديد الحر

جداه وثقيل حديد الكر

جداه نيران تتسعر

بفؤاد كالمجمر ومحياي المصفر

سترى جسمي يا جد على الغبرائي

مسحوق الاضلاع قطيع الاعضائي

اسقى من كاس الاوفى بعد وفائي

وابي ضام بين عداه جزائي

ورجائي يبقى بعد حلول فنائي

ايثارا لابي اهدي كاس المائي

ادري قد حما اروي لو ادمى افدي

اني الاكبر

قصيدة معراج الدم للحاج باسم الكربلائي

قصيدة معراج الدم للحاج باسم الكربلائي

عرجت للخلد حمدا وثناء

قامت الاملاك صفا بالبكاء

طأطئ الرأس اليها يا سماء

فلقد جائت للعرش الكبرياء

فاخشعي واسمعي سلم الله على تلك الدماء

من كبل خلق الحياة هالدماء الزاكيات

الخالق بعلمه امتحنهه نالت وسام الجراح

اختصت باطهر دواء وبجسم فلك النجاة

جرت باسم الله ونبضها ونادت حي على الفلاح

والى كربلاء فحسين قادها نحو الاباء

من السهم صاب الامام صرخة الجنة حرام

فزعت جهنم ذهيله ورادت الساعة تحين

على المثلث هل سهام توجهت بالاتهام

كلها من ذوله تبرت اسفة لقلب الحسين

ورمى بالدما فبكتها كل ذرات الهواء

هل جرح صار انتهاك سوه بالكون ارتباك

بالارض تبجي الحرايم و بالسماء تبجيله حور

رمته نادته هاك رضا ياربي رضاك

عرجت وما كطره رجعت حمره ويشع منه نور

ترتقي تلتلقي بدموع ذرفتها الانبياء

تنازفت مثل الشعاع انصت الجرح استماع

منطق الدم لو تكلم تفهم الحجيه جروح

هذا اخر اجتماع تكله يا حسين الوداع

عايشه بجسمك حياتي مو سهل عنك اروح

شجني حزني ليس يتلوه سوى يوم اللقاء

من كلب هذا الجريح صعدت وكلشي يصيح

موكب املاك ويحفه هيبه اثناء العروج

الله يستر من تطيح عالثرى ونحره ذبيح

بعده ما طاح و كلبها بالعلا الكوثر يموج

يا ترى ما جرى خلف غيب فوق سدر الانتهاء

طافت بعرش الاله والخلد مسكن دماه

هي عكس الجاذبية وعلى الارض جسمه صريع

من هو صوت النادى اه وافجع العالم صداه

هذا صوت الزهرة هذا شافت المنحر قطيع

ولدي خذ يدي نعتلي روحين بارض الفداء